Архивы рубрики: Навіны

Літаратурнае падарожжа «Пяшчотаю прасветленае слова»

19 сакавіка для вучняў 11«А» класа, а таксама дя вучняў 7«В», 7«С» класаў прайшло літаратурнае падарожжа «Пяшчотаю прасветленае слова», прысвечанае100-годдзю з дня нараджэння Аляксея Пысіна. Вучні зрабілі паведамленні пра месцы, дзе жыў выдатны паэт, акрэслілі цікавыя факты з біяграфіі, далі характарыстыку паэтычных зборнікаў, чыталі на памяць любімыя вершы аўтара. Вельмі важна ведаць і цікавіцца літаратурнай спадчынай славутых землякоў.

Настаўнік беларускай мовы і літаратуры Юрчанка С. А.

19 сакавіка, напярэдадні Сусветнага дня паэзіі, у школьнай бібліятэцы прайшоў час паэзіі “Магілёў у вершах Аляксея Пысіна”, прысвечанае юбілею пісьменніка

19 сакавіка, напярэдадні Сусветнага дня паэзіі, у школьнай бібліятэцы прайшоў час паэзіі “Магілёў у вершах Аляксея Пысіна”, прысвечанае юбілею пісьменніка. У ім прынялі ўдзел вучні 6 “Г” класа.  Дзеці даведаліся пра жыццёвы і творчы шлях нашага земляка, пра тое, што большасць сваіх твораў пісьменнік напісаў у Магілёве. Рабятам было прапанована прачытаць вершы пра Магілёў, якія напісаў А.Пысін,  а таксама дзеці  звярнуліся да выставы, прысвечанай юбілею пісьменніка.

 

Памяці земляка

Памяці земляка

22 сакавіка спаўняецца 100 год з дня нараджэння славутага сына зямлі беларускай, таленавітага беларускага паэта Аляксея Пысіна, якінарадзіўсяў 1920 годзе на Магілёўшчыне.

З нагоды юбілею паэта ў нашай школе праводзяцца пазакласныя мерапрыемствы і ўрокі літаратуры, прысвечаныя дзейнасці славутага магілёўца Пысіна.

Для вучняў 6 “Б” класаў быў праведзены ўрокі літаратуры па вершы А.Пысіна “Проня”. А 10-класнікі сабраліся на паэтычую гадзіну, дзе дэкламавалі тыя вершы паэта, што пакінулі адбітак у  душы падлеткаў.

Пышнюк А.А.,

настаўнік беларускай мовы і літаратуры

16 сакавіка для вучняў 9 «В» класа прайшло мерапрыемства «Яшчэ не скончана дарога»

16 сакавіка для вучняў 9 «В» класа прайшло мерапрыемства «Яшчэ не скончана дарога», прысвечанае 100-годдзю з дня нараджэння Аляксея Пысіна. Вучні  больш падрабязна пазнаёміліся з жыццём паэта, прагледзелі відэаролік па творчасці нашага земляка, чыталі  і аналізавалі яго вядомыя вершы. Мерапрыемства  фарміравала пачуццё  гонару за сваю краіну, спрыяла развіццю патрыятызму.

Гарэева В.М., настаўнік беларускай мовы і літаратуры

Майстар-клас па беларускай мове

3 сакавіка для настаўнікаў беларускай мовы і літаратуры г. Магілёва на базе ДУА “Сярэдняя школа №23 г.Магілёва” быў праведзены майстар-клас “Сістэма работы па падрыхтоўцы да ЦТ па беларускай мове”. Настаўнік Пышнюк А.А. падзялілася сваім педагагічным вопытам па дадзенай праблеме, зрабіўшы акцэнт на актыўных метадах навучання падчас падрыхтоўкі да ЦТ, а таксама прапанавала агляд інтэрнэт-рэсурсаў у дапамогу настаўнікам пры падрыхтоўцы да цэнтралізаванага тэсціравання.

Школьная газета «Калейдаскоп» №6(16), люты 2020

Школьная газета «Калейдаскоп» №6(16), люты 2020

Please wait while flipbook is loading. For more related info, FAQs and issues please refer to dFlip 3D Flipbook Wordpress Help documentation.

Дзень роднай мовы

21 лютага вучні СШ №23 з самай раніцы атрымалі пазітыўны настрой. У фае школы гучалі музычныя кампазіцыі на беларускай мове, вучні 5-ых класаў віншавалі ўсіх святочнымі паштоўкамі і запрашалі гаварыць па-беларуску.

Актыўна школьнікі ўдзельнічалі ў віктарыне “Разгадайце аўтараў прапанаваных выказванняў”. На перапынках вучні 5-7-ых класаў гулялі ў квэст “Беларуская скарбонка”. Кожны этап быў цікавым і займальным. Прыемна бачыць, што вучні імкнуцца да пазнання роднай мовы.

Дзень роднай мовы

21 лютага ва ўсім свеце адзначаюць Міжнародны дзень роднай мовы. У  нашай школе таксама падрыхтавалі да гэтага дня разнастайныя мерапрыемствы, накіраваныя на папулярызацыю беларускай мовы.

З раніцы вучняў і іх бацькоў у фае школы  пад чароўныя мелодыі беларускіх песень чакала віктарына  па лексіцы беларускай мовы. Было прыемна назіраць, як бацькі разам са сваімі дзецьмі шукалі адказы на конкурсныя пытанні.

На перапынках  вучні збіраліся ў  кабінеце беларускай  мовы, каб згуляць у беларускі “Кракадзіл”, паслухаць цікавыя факты пра развіццё беларускай мовы, атрымаць асалоду ад беларускіх песень.А ў шасцікласнікаў цікавасць выклікаў флешмоб “Размаўляй са мной па-беларуску!”

Упершыню ў нашай школе была праведзена агульнашкольная беларуская дыктоўка для старшакласнікаў і настаўнікаў, якая паказала добры ўзровень ведаў удзельнікаў мерапрыемства. А вучаніцы 10 “А” класа напісалі беларускую дыктоўку ва УА “МДУ імя А.Куляшова”, куды запрашалі ўсіх жадаючых гараджан.

Такія святы  спрыяюць не толькі патрыятычнамувыхаванню вучняў, але і фарміруюць іх грамадзянскую пазіцыю, а таксама аб’ядноўваюць вучняў, іх бацькоў і настаўнікаў у вялікую сям’ю, якая шануе і любіць  беларускія традыцыі, імкнецца перадаць дзецям павагу да роднага краю.

Пышнюк А.А.,  настаўнік беларускай мовы і літаратуры

Паэтычны вернісаж

21 лютага ў 5 “В” класе прайшоў конкурс чытальнікаў вершаў  “Паэтычны вернісаж”. Вучні выразна дэкламавалі вершы беларускіх паэтаў: Я.Коласа, П.Броўкі, У.Караткевіча, М. Багдановіча.

Знаўцы роднай мовы

Лепшымі знаўцамі роднай мовы сталі вучні 6 “А” і 6 “В” класаў. Дзеці  разгадвалі рэбусы, выпраўлялі памылкі ў сказах, перакладалі словазлучэнні з рускай мовы на беларускую, падбіралі антонімы, прыгадвалі прыказкі і прымаўкі, адказвалі на пытанні па мове і літаратуры.

Было цікава і займальна!

Настаўнік беларускай мовы і літаратуры Лістраценка Т.М.